今日介紹兩位靚女，無獨有偶都係1991年出生，同樣入行都有兩三年時間，所以喺各自圈中都算阿姐級人馬，佢哋分別係日本水着界代表桐山瑠衣，同埋內地嫩模界嘅代表楊棋涵，一於嚟個人氣大比併啦！
貴為日本人氣水着女星，桐山瑠衣嘅相頭真係人見人愛，所以由08年開始，佢嘅人氣都一直高企，推出嘅寫真DVD，出完一隻又一隻，但講到相頭，內地代表楊棋涵，亦一啲都唔輸蝕，佢唔使賣肉，都深得廣告商嘅歡迎，大小廣告和硬照攝影，一浪接一浪，實力毋庸置疑，所以呢一個回合，棋涵先贏一仗。
講到身材，桐山瑠衣嘅上圍擁有39H，自然成為焦點所在，好多囡囡都望塵莫及，而且配埋條23吋小蠻腰，令上圍更加突出，男士望見一定口水長流，而棋涵其實都唔輸蝕，佢身高有170cm，上圍34F，配埋24吋小蛇腰，真係完美S形嘅配搭，難怪一出道就吸引大批粉絲捧場，但相比瑠衣嘅超勁身材仍有所距離，所以呢個回合日本勝。
講到人氣方面，瑠衣比較少參與其他演出，所以畀人覺得佢較少工作，但寫真碟卻出極都有，就知道佢嘅粉絲一直不離不棄，何況佢出一次碟就會喺日本全國宣傳，一年兩三次已經好夠本，至於棋涵就工作不斷，人氣一時無兩，而且網上嘅粉絲團更係一有新照片就爭相轉貼，所以呢個回合，兩個都勝出，打成平手。
口水忠：我就梗係支持桐山啦！事關佢對巨乳足足有39H，簡直人間極品呀！
大鼻仔：我就覺得棋涵真係好靚女，比起冰冰姐仲要好身材！
穿梭機：冇嘢講！我係棋涵嘅粉絲，我哋永遠支持你，記住，拍多啲性感寫真呀！
出生日期：1991年1月15日
三圍：39H-23-35
身高：157cm
工作資歷：08年出道，憑其H級嘅身材，成為炙手可熱嘅人氣水着女星，短短兩三年間，就推咗近十張個人寫真DVD，而且全部都係以身材為賣點。
出生日期：1991年12月22日
三圍：34F-24-35
身高：170cm
工作資歷：有小范冰冰之稱嘅棋涵，同樣喺08年出道，以性感足球寶貝形象深入民心，自此一帆風順，工作接踵而來，無論廣告定係代言人，佢都接到冇停手，近年仲做埋節目主持，可謂前程似錦。
撰文：峰魂簫