話說早排朋友J去某桑拿玩，佢將所有嘢連同銀包，一齊擺晒落Locker度，隨身只係帶住個電話。Happy完後，朋友J就換衫走人，點知埋到櫃位埋單時，卻發覺銀包裏面嘅兩千人仔，無端端變咗做千五！佢起初以為自己用凸咗，於是喺度左計右計，發覺自己冇計錯，就問櫃面可唔可以睇番更衣室嘅監控錄像。櫃面小姐聞言即刻嗌經理，經理跟住衝出嚟質問朋友J係咪想屈錢？朋友J氣道：「我都係想求個明白啫！邊個屈你呀？」對方梗係睬佢都傻，仲嗌埋班貌似爛仔嘅人上嚟圍佢。結果？朋友J咪走囉！所以話，錢呢啲嘢都係跟身好，費事搞到咁麻煩啦！
特攻語錄：錢財要跟身，唔見好頭痕，仲要去追問，隨時難甩身！
撰文：鋼炮仁