內地商務賓館隨街可見，幾多正經幾多色情，今日恐怕連行內人都答唔出！有報道指浙江就出現專為商務客訂房嘅中介公司，替人客預訂商務賓館，而全幢客房內都有囡囡候教，更發展到不同賓館有不同囡囡選擇，名副其實嘅主題特「色」賓館！
內地白領，穿州過省見客傾生意好平常，而旅程中當然會選擇價錢較便宜嘅賓館落腳，之不過賓館質素難以監管，部分更成為賣淫集團搵食性地。有玩家爆料，當地不少賓館長期有囡囡坐鎮，因此想食女隨意走入一間都可以提供，但問題係囡囡嘅質素同服務收費不盡相同，所以為免麻煩，一般會交由旅遊中介公司解答及代辦！
原來不同賓館妹都有不同玩法提供，據玩家所講，基本有模特兒、女僕及AV女優，模特兒質素有保證，但收費最貴，肉價要八百元或以上，而女僕都唔平，但搞完正經事可以幫人客執房兼熨衫，至於AV女優實情係提供高難度服務，例如空中飛人等，但講到最受歡迎，反而係最平凡嘅睡衣妹，一來收費合理，其次有睡衣當制服，玩家感覺親切！
所謂睡衣妹，只不過係着住套性感睡衣嘅囡囡，有指佢哋係附近一帶嘅髮廊妹，當賓館有客到就上樓搵食。而賓館中介公司表示，整幢賓館約有六十間房，平均每日有七成滿，所以要四十個囡囡長駐，而假日客量更多，起碼要六十個至夠客揀！中介公司按人客要求後訂好賓館房，人客到時到候就可入住，若然有需要，只要打個電話就有職員上房招呼，但有指職員並非酒店職員，而係駐場馬伕，當人客示意睇辦，對方就自動拉女上房，揀啱即食，過程為時個半鐘，馬伕更表示，食得愈多愈優惠，例如住三日兩夜，只要食過一次，第二件可享九折，第三件可半價，咁着數無非係希望人客每日幫襯，而玩家就認為呢種色情賓館非常安全，事關佢哋任何時候都有人收風，如非預訂根本無法入住，仲好過去夜總會帶女出街咁話！
撰文：祖