「盲搶鹽」成為笑話，難怪被全球網民寸爆都冇聲出啦！而美國亦有人唔敢多聲，事關阿妹都係脫星界之恥。不但同行恨之入骨，影迷罷買作品，連公司都懶理生死，踏入三十交叉位，捱得過都算奇迹囉！
今次事件證實咗中國人公民教育水平外，亦證明港人有需要重新教育「邏輯思維」！至於美國脫星界，一樣有必要灌輸脫星「一剎那光輝不代表永恒」！點解？咪因為脫星Angel Long鼻大所致囉！話說阿妹上位之後，隻眼不但生喺額頭度，甚至連把口都唔收，先寸現今男優冇個掂，又向傳媒大爆九成男優食春藥上陣。未止，仲有男優為賺多啲，朝早拍完同性床戲「格劍」，下晝就變身床上猛男制服脫星，一眾脫星都嗌怕怕！雖然話Angel Long冇點名批評，但講到尾都算係同行，阿妹咁樣傷害人哋抬高自己，點都講唔通啦！
再者Angel Long恃住自己有咁上下人氣就擺款，片酬要加，男女對手要揀，連場景及造型都要過問，唔知仲以為係荷里活巨星添喎！好可惜當事人認為完全冇問題：「我有嗰句講嗰句，況且我有利用價值至有人聽我講嘢，否則連搵我都嘥氣，因此我要求嘅待遇係我應得嘅！」
此言一出，Angel Long即被封為口臭脫星，但人氣不跌反升，有網民力撐阿妹敢怒敢言，連傳媒都敢挑戰，膽識過人。而阿妹就食住個勢，寫真喪拍，四仔喪做，據非正式統計，一年內就有五十部作品出街，但所謂言多必失，Angel Long喺一次失落頒獎禮之後公開話四仔迷係天下間最失敗嘅男人，原因係佢哋掛住食自己，連出去𠝹女嘅膽量都冇喎！嘩！就算阿妹你冇獎攞，都唔使得罪米飯班主o架！事後不只影迷離棄佢，連公司都宣布放棄佢，三十歲出頭至被人掟入雪櫃，Angel Long依然堅持話自己冇錯：「我冇錯，唔做脫星仲有大把路行，即使冇片商搵我開戲，大不了自己製作！但事先聲明，唔識欣賞我嘅就咪買我嘅作品！」阿妹，細佬唔使邏輯推理，都可以肯定你嘅四仔就算灑幾多鹽花，都唔會有人搶囉！
撰文：祖