電影《黑天鵝》早前喺奧斯卡攞晒彩，大把人湧去睇，美國一線脫星Tori Black亦借勢抽水，先來一套黑天鵝寫真，遲吓仲會推出一部四仔版，以阿妹今時今日嘅地位，竟然玩抽水上位，絕對有失身份，但當事人竟然話係純粹巧合，係咪咁蹺呀？
脫星Tori Black借勢抽水，查實都唔係第一鑊，當年新總統上任，阿妹表面就話要大事慶祝，搵咗一位貌似領導人嘅黑人男優拍床戲，坊間興奮到不得了，有消息更指嗰套四仔頭版一出，即時賣斷市，要加印兩劑至夠分。當事人梗係賺到盆滿缽滿啦！以為Tori Black玩夠會收斂，點知今日又見佢以一個似曾相識嘅形象出現，原來係扮黑天鵝，無法啦，鬼叫班麻甩佬Like咩？況且呢條水搵到食，Tori Black唔扮都大把脫星爭住模仿啦！
Tori Black接受成人雜誌訪問時，例牌否認有心抄襲，只承認一切只係純粹巧合！Tori Black話：「我根本唔知道電影《黑天鵝︾會咁受歡迎，相反我喺好多年前已希望着芭蕾舞服拍寫真，點知大家咁啱時間推出，所以外界先至誤會我有心抄襲啫！」抄襲好，創作又好，最緊要係麻甩佬鍾意，的而且確Tori嘅扮相又真係幾吸引，天鵝服襯在阿妹身上色而不淫，睇得興奮！
雖然作品暫時未出街，但Tori Black近期經常以芭蕾舞造型開簽名會造勢，有網友怒插阿妹玩得過火，遲早得罪一班真正芭蕾舞舞蹈員，但Tori Black一於少理，繼續我行我素，當制服咁着。有小道消息指，Tori Black嘅真正用意唔只咁簡單，佢日夜着住套芭蕾舞服亮相，皆因阿妹正籌備推出個人品牌，大賣性感情趣內衣喎！嘩，果然後生可畏，阿妹家陣至廿四歲，四仔都未玩夠，已經想轉型做老闆，咁有諗頭，錢途無可限量。
出生日期：1988年8月26日
三 圍：34C、26、36
身 高：5呎9吋
撰文：祖