姚明尋日到醫院覆診，經檢驗後康復情況良好，而醫生亦批准「小巨人」可以扔掉拐杖自行走路，並在未來日子進行跑步操練。另外，姚明更可重新投入團隊生活，火箭下周一作客熱火時，佢會隨隊打氣，成為球隊精神領袖。
主要對手灰熊傷主力
其實火箭仲收到另一好消息，最大競爭對手灰熊主將基爾因進行肩膀手術，已證實會提早收咧，對灰熊嚟講係一大打擊。基爾表示，自己寧願帶傷上陣都想為球隊爭奪季後賽入場券，但由於班主、教練及軍醫都唔希望呢位頭號主將因比賽而令傷勢加劇，所以勒令基爾做手術。基爾今季為灰熊平均上陣39.9分鐘，貢獻19.8分及6.2個籃板。