今年要論台灣年輕模特兒，相信會係林柯彤嘅天下，阿女又名小龍女彤彤，生於1988年9月20日。22歲嘅彤彤，氣質清新，超凡脫俗，擁有天使嘅面孔，魔鬼嘅身材，而且經過近五年嘅工作洗禮，要搵佢拍照，絕對冇難度，就算進軍演藝界，相信亦都十拿九穩，因為去年彤彤就作過多項嘗試，電視拍劇、上節目做主持，漸漸奠定咗演藝人嘅路線，下一步相信會係進軍大銀幕，好多粉絲都十分期待。
而據講佢更努力練歌，希望有公司簽佢出唱片，咁彤彤就會以歌手身份同大家見面，所以相信今年將會係佢嘅收成期，事業如日中天，只希望佢唔好放棄拍寫真，因為好多粉絲真係要望住佢嘅寫真至瞓得着。唔信！不妨登入下面嘅Blog，裏面就收藏咗彤彤過往多年百多張照片，相信唔會令你失望。
撰文：小德