「出奇蛋」唔可以帶入美國國境，咁「震蛋」又點呢？細佬唔清楚，但肯定有人唔敢帶，佢仲係一名脫星添！Prinzzess Izzabella解釋，緣於一次尷尬經歷，結果令阿妹聞蛋色變，即使有玩具商搵佢做代言人都唔接，有冇咁驚青呀？
呢個年代嘅洋人玩性玩具家常便飯，但不講不知，喺屋企匿埋玩唔代表敢攞上飛機o架，好似Prinzzess Izzabella就試過喺三年前一次搭飛機去拉斯維加斯，為一間性玩具公司剪綵，臨走前對方就送咗幾支震棒同震蛋畀佢當禮物，於是阿妹就直接帶上機，過關時就被關員見到，對方表情尷尬，報以一個恥笑眼神，阿妹話個樣衰到想搵窿捐喎！「雖然搜我袋係一個女關員，但隔籬企咗一個男嘅，佢攞上手後仲要拆開，跟住望一望我，再望吓見加大碼嘅震蛋，然後就耷低頭喪笑，當時仲有其他關員同搭客見到。以我嘅條件，又何需用性玩具咁Dry先？」之後谷住道氣過關。Prinzzess Izzabella話轉個頭就將性玩具丟咗，但事後至發現，原來性玩具係限量版，表層包金，阿妹呢鑊真係痛到入心囉！
Prinzzess Izzabella表示自事件發生後，每次見到性玩具都會諗起不快事件，更開始對性玩具反感，奈何佢嘅職業經常會使用性玩具作道具。有性玩具商更唔識死，想邀阿妹做代言人，結果被一口拒絕。阿妹解釋：「雖然我好想賺呢筆錢，但當我幻想到隨街及網上都見到自己玩性玩具時，自然諗起被恥笑場面，因此我情願錯失機會都唔接拍！」照咁講，好應該盡快離開脫星界，否則呢個心病一世都醫唔好。但Prinzzess Izzabella就認為：「愈係逃避愈難治好心理病，雖然現階段對性玩具反感，但難保一年後我會愛上，況且影迷都同情我處境，單係呢件事都夠我出自傳賺多筆啦！」阿妹果然係醒目脫星，剝衫都未驚過，一個震蛋會嚇怕你，信你至奇啦！
撰文：祖