報道指有富豪雖已年屆八旬，居然對女性毛手毛腳，結果搞到被老伴要求提出離婚。之不過有美國脫星接受雜誌訪問時表示，擇偶條件得一項，正係要男友鹹鹹濕濕，阿妹話咁至算係真男人喎！
男人生性鹹濕同是否真男人有乜直接關係？好似小弟咁每五秒就出現一次性幻想，咁我咪係超級男人？據Aria Giovanni解釋：「男人應該、應分、應當鹹濕，一日未死一日都要鹹濕，咁嘅人生至可以保持身體健康同知情識趣！一般女性或者冇太留意男人，皆因佢哋一聽到男人鹹濕就會避之則吉，完全冇諗過鹹濕有乜好處，其實，一個男人鹹濕，即是話佢滿腦子都充滿性幻想，對性事必會有好多鬼主意，現實啲講，四仔界正係需要有心人士不斷性幻想，至可以有咁多創新題材，唔係邊得咁多四仔拍呀？而作為男友要老當益壯，更加需要保持鹹濕心態，否則好易性無能架！」哈，Aria Giovanni的確又講中晒男人心聲噃！
脫星Aria Giovanni力撐男人鹹濕，難怪咁受四仔迷歡迎，之但係若然陌生人鹹濕你，係咪又咁豁達先？「咁就要睇吓陌生人係邊個喇！假如係一個型男或富豪，我一定唔會介意，話唔定我仲會鹹濕番佢，甚至同佢打場友誼波添！相反冇品又猥瑣嘅麻甩佬，我就會叫佢鹹濕都要自量吓，真係忍唔住嘅可以去搵囡囡解決，唔好自取其辱囉！」哦，講到尾鹹濕都係睇錢份上，換句話講鹹濕係有錢人嘅專利啦！「實際啲啦小朋友，冇錢又想鹹濕，滿足一時快感，但唔會令你達到高潮，你鹹濕人嘅目的都係想同對方進一步啫，抽水前都明知對方睇唔起你，難道你當自己係情聖咩？」咁難怪富豪至有資格鹹鹹濕濕啦！
出生日期：1977年11月3日
三圍：34D-25-36
身高：5呎6吋
撰文：祖