豪客到本地名店以魔術手偷錶，警方翻看閉路電視錄影都搵唔到破綻，事後傳媒以魔術手形容事件。查實使乜大驚小怪，皆因喺美國四仔界，脫星Laura Lee亦以快速剝Bra聞名，阿妹快到冇痕兼冇影，係咪好犀利呢！
胸圍係女人嘅貼身物，有女人仲話底褲可以唔着，但胸圍不能不戴。點解？事關托得對咪咪高啲、事業線深長啲，人都自信啲喎！原來如此，難怪女人咁揼本買Bra啦！言歸正傳，捨得買Bra唔代表識得戴，脫星Laura Lee就自認對呢方面非常有研究，以個人嚟講，胸圍必定要有鋼線，保護胸部形狀又可以挺得均勻啲，而且必須戴有肩帶款式，可以減輕背部過度負重，揀啱尺寸自然唔會戴到有紅印。Laura Lee果然有心得，之不過今日唔係探討點樣揀一個靚胸圍噃，不如講番點解你可以咁快手除Bra啦？阿妹解釋：「可以快係因為經驗累積，查實人人都可以快，連男人都可以做到，最重要係了解每個胸圍扣嘅特色！」
Laura Lee表示，胸圍扣分好多種，最普遍有單扣、雙扣甚至三扣，仲有磁石扣及魔術貼，而且愈出愈多款式，而阿妹話想剝得快要認識扣外，上半身同手部都要非常協調至得，最快紀錄正係不夠一秒剝胸圍。嘩！絕對可以納入健力士世界紀錄。Laura Lee解釋：「唔使一秒的確好誇張，不過大家咪誤會，我完全冇用過手解胸圍扣，事關我只用上半身肌肉收縮就可以解開，所以我叫各位姊妹要注重肌肉同手部嘅協調，熟能生巧，自然可以練習到用背脊肌肉令胸圍扣解開，即使前扣都冇問題，一樣可以用咪咪收放逼開！」嘩！真係講都冇人信，可謂神乎其技，想學佢咁嘅境界，睇怕都要十年八載至略有所成，倒不如欣賞佢剝Bra絕技好過囉！
出生日期：1980年5月9日
三圍：34D、25、34
身高：5呎6吋
撰文：祖