少婦為咗產後極速修身，食藥搞到連命都冇埋，可悲！更可惜嘅係類似事件喺世界各地時有發生，但脫星Alanah Rae就話減肥與否，自負盈虧。對於減肥，阿妹話從未試過，更直言做女人都可以學男人大肚腩唔修身，一樣咁可愛喎！
「減肥與否，自負盈虧」究竟乜意思？據Alanah Rae解釋，一個人無論肥或瘦應該由自己決定，絕不能因為第三者一句話判定你肥定瘦，繼而影響心情，再做出相應行動，咁做係非常不智，事關對方一句不需負責任嘅說話就要你作出改變，真係唔應該喎！難怪阿妹喺四仔界身形一日脹過一日，都唔諗住減啦。「唔係冇諗過，係我認為未有需要，我知道自己比起出道時較脹，不過計算過得失，發現對我冇任何影響，工作量同片酬冇減少，連影迷亦冇唔支持，如非因為健康出現問題，我冇必要減肥！」雖然阿妹企硬，但有人認為Alanah Rae咁講反而係不負責任，皆因作為四仔脫星最大職責係娛樂觀眾，阿妹咁做法，即係趕客啫！
由當年魔鬼身材，變到今日粗腰肥臀，阿妹依然自信心十足，佢認為四仔脫星只要演技出眾，其他嘢都只係錦上添花。Alanah Rae話：「四仔脫星都係人，絕冇可能日夜都保持最佳狀態，大家見到我身形改變要學識接受，就等如我十七歲初出道影鹹書寫真，四仔飾演o靚妹仔到人妻，到現時熟女都拍埋，若然身材都Keep住咁索，似乎冇乜說服力囉！」細佬就絕對唔認同Alanah Rae所言，因為我同影迷一樣，睇女無非睇身材，今日阿妹你好彩有慣性收視，唔等如你繼續發福有運行，你又試吓對咪咪跟住縮水，睇吓你又會點講嘢？
出生日期：1988年2月9日
三圍：34DD-28-38
身高：5呎7吋
撰文：祖