呢頭話公仔箱老總高調復職，跟住又有流言話佢為劈炮鋪路，誰是誰非大家唔使猜疑太多。其實外國脫星界周不時都有呢類事件發生，新鮮滾熱辣嘅就有Randy Moore，阿妹並非涉嫌貪污，純粹同公司唔咬牙，希望做番自己啫！
呢期成人討論區傳得最紅嘅新聞就係Randy Moore即將脫離脫星界，傳聞話阿妹準備嫁人，亦有人話係阿妹得罪公司高層被迫離開，而當事人就話其實由年頭開始已逐漸減少工作，但直到近期又忽然喪出鏡。究竟邊個至真呢？Randy Moore接受雜誌訪問時表示，現階段冇諗過離開脫星界，但個人狀態則未回復當年勇。阿妹解釋：「四仔生態好亂，以致自己唔知應該走邊條路線，我希望可以成為一位有氣質脫星，多於賣弄性感身材及超凡性技，可惜事與願違！」佢公開剖白內心世界，但對於傳聞則一概拒絕回應。雖然阿妹總算「歸位」，但投入程度大減，影迷認定Randy Moore係刻意玩死自己，令公司同佢提早解約。
既然Randy Moore已「復出」，影迷又何需顧慮太多呢？之不過網友就認為今日嘅佢明顯冇初出道時咁索爆，四仔表現生硬，連拍寫真都假過人，有人要求阿妹改善，但Randy Moore就認為要跟足公司規定。佢話：「我只係一個小小脫星，自由度好低，假如要我表現出真我一面，睇怕要到我喺公司有一定權力至得囉！」或者言者無心，但外界就批死今年會係Randy Moore喺公司最後一年，來年將會回復自由身，話唔定更會自組公司開拍四仔，究竟阿妹會點決定，相信只有佢自己至知囉！
撰文：祖