每逢年尾都係各大四仔頒獎禮同公司派對嘅大日子，不論分量高低嘅都要畀面出席，但Nikki Anne好大口氣，居然提前自爆話唔會出席各大小交際活動，此舉簡直係引火自焚。莫非阿妹想唔撈？但有傳阿妹早已安排好工作，密密搵錢最實際，鍾意點就點，果然係90後新世代！
脫星No Show對事業發展可大可小，輕則得罪自己公司，重則連發行商都唔賣你帳，冇咗渠道出貨，話之你再正都係假！而脫星Nikki Anne可以咁大口氣，一定有所準備，原來阿妹想趁住呢段黃金檔期，出國搵真銀。佢解釋：「四仔界有不成文規定，每逢大時大節就要搞集體宣傳，將旗下脫星齊集，顯示公司有幾架勢，呢啲日子亦係影迷消費意欲最高，假如脫星可以出席宣傳活動，同影迷打成一片，對四仔銷量絕對有幫助。經過多年嘅畀面派對，我發現損失慘重，所以今年開始，拒絕再參與，實際啲搵銀好過！」人不為己，阿妹為錢途着想無可厚非，但作為打工仔做壞規矩，容易遭人詬病，要認真諗吓點平衡至得噃！
喺社會搵食，講到平衡無非係利益關係啫，好在Nikki Anne都醒目，早於暑假時已主動向公司提出參與多部作品演出，仲拍埋來年全裸年曆，至於片酬，阿妹話心意價就得喎！Nikki Anne話：「我咁大牌話No Show，當然有所準備，否則公司一聲放我入雪櫃，真係邊度都唔使去，況且啲脫星有樣學樣，我唔出席大家都借題發揮，但點解至今都冇人學到我，咪因為我做定工夫囉！」果然係醒目女一名，但外界就傳其實係公司唔想要你，皆因人氣曳兼口臭，情願掟你出去好過喎！究竟邊個至係真嘅呢？
出生日期：1990年1月13日
三圍：36C、26、35
身高：5呎8吋
撰文：祖