有議員棄選委員會主席一職，連共事多年嘅戰友都抱怨當事人對居民愛理不理。查實使乜咁勞氣吖！喺歐美四仔界大把脫星都採取呢種懶散態度，而出奇地成績居然比搏晒老命嘅脫星好，話唔定求求其其至係最好嘅搵食方式呢！
外國人不但講慢活，連返工都追求「慢做」，凡事慢慢嚟，條命都長啲咁話喎！而脫星Sophi Cox就非常贊同呢種生活方式，更身體力行，雖然加入四仔界三年多，可惜只推出過三部個人作品，其餘只參與演出，真係十隻手指數得晒。慢活係個人選擇，但要生存都要講錢，阿妹嚴重開工不足，好多人都懷疑佢點過日子？Sophi Cox解釋：「我日常生活好簡單，一日兩餐，平日出入又以單車代步，消閒娛樂就去公園坐坐，基本上毋須使錢，再加上我都算索女一名，出街少不免有男人請！」哦，講到尾都係有男人包養，難怪Sophi Cox唔使使錢，甚至係驚都未驚過啦！
Sophi Cox話現階段生活無憂，但點都應該為將來打算吓，既然入得四仔界，好應該明白用青春加肉體嚟換錢，呢個道理阿妹冇理由唔明白？「呢一點我當然清楚了解，而且我冇話過有男人養就唔做脫星，須知道男人都係靠唔住，所以我要繼續做脫星幫補收入。至於坊間一致認為我愛理不理，我認為太過表面，事實上四仔界脫星眾多，所有人都搏老命求出位，但日夜爭住見報，結果只會陣腳大亂，令觀眾煩厭，就好似拍拖咁，日夜見住個女友你都會厭，更何況係脫星呢？所以我採取低調態度，按心情拍四仔，到影迷需要我時就會出現，何需搏晒老命呢？」阿妹講得好，對四仔迷太好反而顯得你Cheap添呀！
撰文：祖