呢個世界咩都有得假，單係四仔界，假波假籮假情假意假得就假，事關你愈假，影迷愈歡喜，但你有冇諗過，家陣連脫星床上呻吟都要假。點解？咪因為把聲太難頂囉！
四仔你同我都睇過，雙眼用嚟目及脫星身材演技、而雙耳當然係聆聽囡囡高低起伏嘅呻吟聲啦！但問題係，若然眼前件索女係「鵝公喉」的話，閣下對呢套四仔一定大打折扣，再要你真金白銀繼續支持，簡直係天方夜譚！好衰唔衰，脫星Veronica Zemanova就係慘受一把鵝公喉聲困擾，以阿妹副架生落場砌，簡直係弗到漏油，好可惜天生一把咁嘅爛聲，拍寫真唔出聲梗係冇問題，但落床獻技要表現得高潮迭起，唔嗌破喉嚨邊個信你先？
為咗解決呢把趕客呻吟聲，公司決定請幕後代「吟」，每逢阿妹有床上戲，現場就有一位阿女代「旁白」，Veronica Zemanova嗌，佢就跟住嗌，藉此保持現場感，將失真度減至最低！
雖然話現時嘅科技乜都有得搞，但當事人就經常因為「有口難吟」而唔開心，難怪佢經常愁眉深鎖，有男優服侍都唔爽！Veronica Zemanova話：「我每日就好似拍性愛默劇，一出聲就有人代替，令我非常難堪，亦因為怕人聽到我把聲會趕客，我變得愈嚟愈唔敢開聲，連正常社交都受影響。」其實阿妹諗法就超多餘，既然大家都假口假面上陣，一把假聲又算得係乜呢？反而當全世界知道你假聲上陣，對你把真聲仲有興趣，希望一聽你真聲呻吟，遲吓仲可以大做文章，整套「真吟」出版，到時咪仲吃香！
出生日期：1975年4月14日
三圍：35D-24-36
身高：5呎6吋
撰文：祖