組團北上尋歡已唔再係新鮮事，近年出現咗一啲專門提供一站式服務嘅尋歡團，整個過程都有專門嘅搞手帶路，更為蒲友安排食住，行程豐富到你想像唔到，十足跟團去旅行咁過癮。
此外，有知情人士透露，為咗令一眾團友玩得開心又放心，搞手仲會印製大量假嘅內地展銷會宣傳單張派畀團友，如乜乜濾水器代理、鋼閘鋁材等等各行各業，形形色色，好讓團友向屋企嗰件交代，對方自然信到十足。到出發嗰日，會有專車接載。當抵達後，先安排到一啲星級食肆，品嘗地道嘅美酒佳餚，跟住就進入正題，負責帶路嘅搞手會安排所有團友到酒店或賓館沐浴更衣，然後再浩浩蕩蕩大舉到夜店貴賓房尋開心。
聽到以上嘅安排，相信各路蒲友都感受到呢個尋歡團搞得相當有規模，據講搞手會喺場內安排另一間小房，以便團友打電話畀老婆報到，同時亦會準備背景音樂，例如一啲發布會嘅演講聲，又或者係展覽會嘅嘈雜聲，呢種貼身招呼，一眾蒲友都非常受落。當然，做到咁足又全面，收費梗係唔會便宜，聽聞至少一萬蚊先有交易，的確唔係一般打工仔所能應付。
撰文：大軍