呢邊廂大家話喺香港難搵老婆嘅時候，其實內地男人搵老婆一樣咁難，早前一位九十後靚女徵婚，居然大罵一位揸普通私家車嚟嘅男人冇資格娶老婆，仲狠狠地刮花對方嘅愛駒，可見內地女仔一樣咁辣咁高竇，難怪有咁多男人娶唔到老婆，上年開始內地更將十一月十一日定為光棍節。因應所需，近期亦有好多婚姻介紹所成立，不過當中有部分主打嘅係一夜夫妻，唔係一生一世！
撰文：賢
近期本港最熱門嘅話題一直都圍繞住高樓價問題，樓價持續高企，但係大家嘅人工又唔見得愈來愈高喎！最好笑就係某局長話結婚唔一定要買樓，好在有個後生仔直截了當話佢知，女友話買唔到樓就唔好結婚呀陰功！不過，大家都唔好以為得我哋為買樓結婚心煩，內地男同胞都一樣咁淒涼，所以光棍愈來愈多！上年更加有人發起，將十一月十一日定為光棍節！當日，各位光棍會出嚟聚會，最大作用就係趁機會撮合單身男女成為佳偶。當然，唔想出去趁熱鬧都冇問題，因為可以靠婚姻中介中心幫手。而婚介中心知道光棍節令單身男士更加心急搵伴侶，所以一早就搵定大量囡囡迎合需求，當中邪派婚介中心亦然。
據了解，婚姻中介中心近年愈開愈多，規模仲相當大，有部分仲自己建立網站，方便男女上網搵對象。大有大做，細有細做，坊間亦好多小規模只係得個舖仔，宣傳亦只限於貼街招而已，而呢類細細間嘅婚介中心並唔一定係規規矩矩咁做生意。一名化名陳先生嘅男士，早前就試過幫襯位於廣州嘅婚介中心。佢話某日行街見到電燈柱上面貼咗街招，於是膽粗粗跟住個地址去睇吓。去到之後，陳先生發現位於一條巷仔嘅婚介中心左右隔籬都係髮廊，從開放式門面可見內裏設備簡陋，得兩張枱同幾張膠椅。不過一場嚟到，陳先生都入去睇睇。呢個時候，一名自稱為負責人嘅中年肥師奶就好風騷咁過嚟招呼，向陳先生表示手頭上有好多單身女仔，仲隨手拎出一本相簿畀陳先生過目。
陳先生睇過相簿之後，見到張張相入面嘅女仔都打扮妖艷，仲有相關資料附載，例如年齡、身高、三圍以及籍貫。一邊睇相，婚介中心負責人就一邊介紹，仲同陳先生表示，唔使睇得咁仔細，因為試過之後又唔使做人世！陳先生眼定定望實負責人嘅時候，負責人又表示，相入面嘅女仔可以提供陪遊、陪飲同陪瞓！收費通常就以包一晚計算。陳先生聽到呢度就知道婚介中心其實只係表面掩飾，實質上都係介紹囡囡畀男人解決慾火。而陳先生自問又唔係甚麼正人君子，睇完相之後都有多少心郁郁，於是就揀咗個巨乳囡囡要求「約會」，而負責人好快透過電話召來相中囡囡，仲安排陳先生同囡囡上婚介中心二樓嘅套房，先行「洞房」添。