俄艷諜查普曼早前替男人雜誌《Maxim》拍噴血寫真兼接受訪問，內容談及將男人分為三大類，其中一類男人不但渴望被愛，同時更追求美麗及偉大愛情，同阿妹不謀而合。而喺美國嘅脫星Nadine就話統統多餘，男人只有一種，就係追求性愛！
撰文：祖
艷諜用美色引誘天下男人攞機密，而四仔脫星亦閱男無數，兩個都話對男人心理瞭如指掌，你又信邊個好呢？訪問中嘅艷諜簡單將男人分為三大類，一係只追求性愛歡愉，二係比較聰明嘅男人渴望被愛，三係查普曼都冧嘅美麗偉大愛情。可惜脫星Nadine就話講就無敵，不論高中低下階層嘅男人，最終目的都係性愛，阿妹認為，喺佢廿八年嘅人生當中，所遇所聞嘅男人都係想氹女上床，就係因為咁而加入四仔界大展拳腳：「天下男人一樣硬，佢哋埋身無非為性，只要你答應同佢哋上床，男人乜都肯應承，因此，男人未得到你前所做嘅一切都係手段，無分好壞、等級及層次！」哈，Nadine果然了解男人本性。
正因為Nadine睇得男人咁膚淺，覺得四仔界大有作為，拍一部四仔就等如同天下男人發生關係，係咪真係咁易呢？Nadine解釋：「假如四仔界得我一個脫星就係，但現實中有數之不盡嘅對手，不過我從來無後悔過加入四仔界，反而為當初勇敢入行而驕傲，事關喺我短短三年多嘅職業生涯，拍戲唔多，但收入已等於一般打工仔捱足十年，若然我再玩多幾年，未到四十就可以光榮引退，生活無憂啦！」哈，阿妹果然識計數，不單止拍四仔，Nadine閒時仲不停搵老細包養，只要出得起錢，任何關係都可以發生。Nadine話：「對於搵錢，我冇道德底線，亦唔覺得有需要道德，事關明買明賣，幾個老細一齊上我都接受o架！」嘩！Nadine話男人膚淺，原來你都唔見得有深度吖！