呢大半個月，掃黃又好似冇咁狼死，唔少大城巿嘅夜總會都相繼重開，由於停咗都大大話話成三四個月，好多囡囡都返晒鄉下或者改投其他行業，於是霎時間就出現囡囡荒，有夜場為咗爭人，竟派三千元置裝費畀啲新人，真係十分吸引。
撰文：小德
但家陣夜場為咗爭人，竟出三千蚊置裝費，確實十分吸引，而且登記好就攞錢，唔驚啲囡囡飛咗去，問過夜場老總點解咁夠膽？佢話疑人不用，用人不疑，囡囡覺得你尊重佢，自然會尊重番個場，聽落真係有道理。另外，老總仲話，自從出咗呢個計劃之後，真係多咗好多囡囡轉場返工。當中有啲囡囡原本係做正當職業嘅，例如侍應、售貨員等，亦有其他夜場嘅囡囡過檔，因為唔使揼本就可以開工，個個都願意，特別係一啲桑拿技師，唔使交押金，仲有三千蚊收，加上薪優福利好，個個都唔再做骨妹，改穿晚裝做三陪。
以前好多囡囡都唔肯做夜總會三陪，就係因為要「未見官先打八十」，唔計搵熟人介紹中間要使嘅茶錢，如果要返夜總會，就要先畀一大筆置裝費，好似晚裝搵師傅做，最平都要五六百一套，似啲樣嘅就要成千，如果做兩套替換，冇千零兩千銀都唔使旨意，跟手買個手袋，兩對高跟鞋，再買多兩套靚內衣，三千蚊一定唔少得。
仲未計買化妝品，囡囡返工雖然有人化妝，但有啲貼身嘅眼線筆、唇膏等就要買私伙，跟住最緊要有套落妝系列，夜場啲平價化妝品，你唔用套名牌落妝系列去清理，三個月唔夠就包你殘晒。另外，護膚產品更唔少得，總之冇四五千蚊都開唔到工。
家陣做三陪真係十分好搵，以巿價計算，囡囡做金魚齋坐枱，每晚最少都收到三百蚊小費，當中有三成歸公，自己最低都袋二百蚊左右，一個月做足三十日，六千蚊閒閒哋，假如肯做木魚，短聚都五百至一千，過夜更係一千以上，當囡囡錫身一個月只做十個客，一個月收入定必過萬，係咪好吸引呢？