向愛人表示愛意，其實唔需要千言萬語，只要用一雙深情眼神，再配合一個深情一吻，足以將無限愛意，透過嘴對嘴傳達畀對方。如果深諳接吻技術，仲可以令大家打得火熱，爆發出強烈嘅愛火花。唔係，應該係慾火花先啱！正因為錫嘴仔有咁不可思議嘅神奇功效，以此作主題，慶祝寓意十全十美，相親相愛嘅2010年10月10日就最適合不過！所以當日除咗有大批新人結婚之外，喺北京世貿天階更加舉辦咗一個破天荒嘅接吻活動。
當日，現場有近百對愛人即場錫錫，而且仲各出奇謀惹人注目。例如換套水手裝上陣，又或者一邊使出龍舟掛鼓，一邊錫錫，令人大開眼界！如果大家都想欣賞當日各對愛人錫到燶嘅精彩實況，就要Click上內地網友趣看天下嘅Blog度喇！
撰文：豪