為逃避嚴打，內地賣淫集團會承包星級酒店繼續經營，即使包起整層酒店套房都唔出奇！但有雞頭就同我講，近日佢哋並非怕打風，反而係怕囡囡叫春喎！「係人都知內地嘅酒店隔音好差，你諗吓包晒成層，同一時間搞嘢，啲女呻吟起上嚟會有幾嘈？連我啲客都話，搭升降機到嗰層，未開升降機門都聽到啲叫春聲，咁搞法好易出事嘛！」難怪雞頭要求旗下囡囡收細聲浪，以免造成滋擾！
可惜有囡囡就認為收聲根本冇可能：「你試吓入去服侍個客就一清二楚！囡囡冇聲又投訴、叫得細聲又話冇反應，為咗滿足人客，掂吓都要叫到劏豬咁，依家話唔好叫床，邊個畀小費我呀？」但唔收聲都可以盡量細聲啲啩？「戇居，不如一層一件女咪仲實際！」集團為方便控制囡囡而選擇同層經營，但囡囡則覺得「收聲」係無事生非兼阻住搵食，睇怕兩者永冇辦法達成共識！
撰文：大軍