有條件唔係大晒o架！仲要有老細撐至得，好似脫星Ancilla Tilia咁，入行快近四年，不過雪足三年，到剛啱嘅暑假至被解凍，都可算冇陰功囉！好在當事人終於學識做人以禮相待，同時將積壓多年嘅怒火一次過爆發喺工作上，咁咪好囉！
記得脫星Ancilla Tilia初出道時，被外界一致睇好，公司仲表明會力撐佢成為新一代脫星代表。難怪阿妹第一部處女作已經可以同多位一線脫星同床獻技，相當巴閉！可惜，當時得令嘅阿妹水準之曳卻有目共睹，外界一致唱臭當事人波大冇腦，床上表現生硬，叫聲似機械人。
面對指摘，作為新人嘅Ancilla Tilia不但冇反省，更反唇相無稽：「我知道外界非常妒忌我嘅待遇，更羡慕我逼爆身材，但我唔會怪大家，因為只有我呢種有條件嘅人至可以做脫星，我更加唔介意同行惡意中傷，因為我遲早會超越你哋！」Ancilla Tilia嘅言論，一時間得罪所有人，連公司想幫佢解畫都唔得！
Ancilla Tilia冇大冇細，公司惟有將佢放入雪櫃藉以淡化事件。而阿妹亦以為三兩個月就可以擺平，可惜雪吓一季，雪吓一年，連同年出道嘅新人都出晒位，而阿妹只可以得閒出現喺成人雜誌內做裸體模特兒。Ancilla Tilia話：「經過三年雪藏日子，我真係有諗過退出，做回一個普通人，但我唔甘心因為我咁完美條件，只因外界睇唔起就摧毀我前途！我發誓一定要喺四仔界揚名立萬！」嘩！阿妹果然豪氣干雲。就喺剛啱嘅暑假，佢替著名鹹網拍攝一輯皮革寫真，即時人氣急升，亦正式離開雪櫃，可算守得雲開！
而Ancilla Tilia今次復出就冇當年咁具霸氣，反以平常心面對，只係同傳媒交代嚟緊嘅工作安排，對於私事一概不評論，但阿妹嘅助手就爆料，事實Ancilla Tilia近期積極操弗自己，更表明要喺三十歲之前收復失地，一雪前恥！
出生日期：1985年7月21日
三圍：34 C、25、36
身高：5呎8吋
撰文：祖