最近有朋友問，佢老闆肯升佢職加佢人工，但要簽五年合約，當一睇佢嘅星座，原來係人馬座囡囡，即時勸佢咪制，因為人馬座囡囡最喜歡自由，放棄五年自由已經唔係人人都頂得住，何況係人馬座囡囡。
由於人馬座嘅人天生愛接受挑戰，所以老闆們大都喜歡佢哋夠搏夠勇，但當想鎖住佢哋時，大多數都會耍手擰頭，因為人馬座囡囡最愛自由，要佢簽約放棄自由，好多人都唔制，就算簽咗，過咗一排想換新環境，佢哋又會嘈住要提前解約。
就好似日本人氣AV女星周防雪子，佢生於12月3日，正正係人馬座囡囡，佢同一手提拔佢嘅公司，都係逐年簽約，而且佢周身癮，一時又話拍電視，一時又話做舞娘，一時又話做才女，真係估佢唔到，家陣公司最怕佢突然話要生仔，咁就焗住畀佢引退。
性愛運程：今周可能會有新戀人出現眼前，但要小心係愛情騙子。
挑情攻略：呢個星期時刻都想親熱，去啲陌生地方驚喜更大。
必殺體位：天生係騎士嘅你，今周建議任由伴侶話事，專心享受。
撰文：小德