出生於北京嘅王希怡（Ariel），加入內地模界一年左右，主要擔任平面模特兒工作。其實大家有留意電子產品嘅話，或許會見過呢位索女，事關Ariel早前先為名廠手機及手提電腦拍攝平面廣告，冷艷嘅形象令人印象深刻。老實講，索女樣貌出眾，一雙鳳眼電力驚人，而且身材又夠平均，假以時日定可以攀上名模位置。
Ariel喺模界嘅表現早已備受肯定，好似早前佢參加咗某個網站舉辦嘅頂級美女選舉，喺數十位高質美女之中，Fight低張馨予、秦夢擎、王妍蘇等多名模界猛人，成為選舉嘅第一名，實力可見一斑，同時證明咗佢喺網絡上的確非常受歡迎。
Ariel除咗樣子夠索及演出夠專業之外，學歷都唔差o架，事關佢喺墨爾本大學畢業，一口流利英語對佢喺工作上大有幫助，而佢間中亦會協助母親喺日本東京經營餐廳。家底好，有學識，仲要咁索，難怪Ariel喺內地模界發展咁順利喇！王希怡不時將自己嘅最新動向Post於部落格上，記得留意喇！
撰文：娟娟