- on.cc 東方互動主頁
- 3月31日 (一)
呢排天氣相當酷熱，大家出街都寧願匿埋喺有冷氣嘅地方，之不過一時冷一時熱，確實搞到個人好易病。雖然家吓未算係流感高峰期，之不過大家仍然唔可以掉以輕心，尤其當你同人近距離接觸嘅時候，若然對方帶病在身，咁就會好易中招。
我大軍身邊有一位朋友，最近去深圳一間骨場玩，佢話當日遇到嗰個技師，樣貌夠省鏡，而且屬於好波之人，以為自己執到好嘢，拿拿臨同個技師入房開戰。期間朋友見對方不時打噴嚏又流鼻水，以為冷氣太大所致。
朋友同個技師喺房入面，就肯定唔係齋吹水咁簡單，咁大家肉緊嘅時候，少不免都會親嘴仔，甚至乎係錫吓重要部位。但係點知完事後一日，朋友就即時感冒大作，打噴嚏同流鼻水乜都齊，最慘就係佢病完幾日之後，身邊朋友、同事、女友同家人都中招，個個都大傷風加感冒。後來朋友就感到內疚，更認為如果唔係自己走去玩，根本就唔會有咁多人中招。當然，呢件事就十分明顯，病係由個骨女傳嚟，再由佢傳播開去。其實為人為己，有病就唔應該開工，又或者去蒲，無謂累街坊嘛！
撰文：大軍
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
