問：小弟係一個夜場初哥，有好多規矩都唔識，最近因為要睇波，於是搵埋三五知己北上，搵間卡拉OK嚟睇波，而且仲可以一邊睇波，一邊搵囡囡嚟過吓手癮，感覺真爽，但小弟有一樣嘢唔明，囡囡畀我哋搞成晚所以要收小費，小弟覺得無可厚非，但係個DJ妹，成晚只係陪我哋睇波，我哋歌都冇唱一首，摸更加冇摸過，咁究竟有冇必要畀小費佢呢？或者我哋有冇權唔使要個DJ妹入嚟陪睇波呢？
答：呢個係一個好問題，一般夜場嘅情況，每個DJ妹係會負責一間房，只要DJ妹坐咗喺間房度，就算佢冇做嘢，間房嘅客人都要負責畀小費佢，好似你所講，你哋成晚都掛住睇波，歌都冇唱一首，如果佢坐足成晚，你就有責任要畀小費。但如果你明知唔會唱歌，咁就可以事前同經理講清楚，唔使要DJ妹，一般夜場都會照客人安排，將DJ妹撤走，但一定要入房前講好，否則DJ妹一入咗房就冇得退貨。另外，如果睇完波再叫DJ妹入嚟，就算只唱一首歌，都要畀足全晚嘅小費，所以彈走咗人就咪再叫人返轉頭，否則就唔少得要畀小費架啦！
撰文：小德