最近收到風，深圳有好幾個大型夜場嘅老總，都話要收山，退位讓賢。問佢哋有乜打算，佢哋都話打滾咗十幾年，係時候急流勇退，畀機會啲後生仔。聽落十分合情合理，原來有知情人士透露，原來係同最近稅局頻頻向夜場出手有關。
最近深圳就有兩間夜場，因為漏稅而遭有關方面查封，而罪證就係查出佢哋收藏咗兩本數簿。據知情者透露，夜場老總身上，唔好話藏有兩本數簿，隨時有可能收藏五、六本數簿都有，因為夜場好多數目都好神秘，有五、六本數簿一啲都唔出奇。
既然稅局最近向大型夜場埋手，呢啲飽歷江湖嘅老總，仲唔聞風先遁咩！所以打退堂鼓係有原因嘅，希望佢哋查還查，咪掃晒啲場，搞到我哋連娛樂都冇！
撰文：大軍