由於近年數碼拍攝成為唔少人嘅嗜好，好多人更為咗精益求精而報名修讀相關課程添！然而，講理論不如實戰，所以佢哋一有時間就會約埋朋友，一齊做龍友四圍影相研究研究。當然，拍風景梗係有，不過最爽就莫過於出錢，請個專業索模拍人像寫真啦！有個靚女畀自己任影任舞，攝影技術想唔大有進步都幾難！
最近，內地網友JOMEN又上咗一堂攝影課，仲搵咗一個索到啪啪聲嘅索模，拍攝香車美人為題材嘅寫真。JOMEN嘅Blog上面，除咗一系列靚女搭靚車嘅靚相之外，師兄佢亦將幕後花絮同時上載，令整輯寫真感覺更為立體，亦可以畀大家了解到拍攝索模嘅實況，值得多加留意。
撰文：阿豪