有人話家陣做脫星仲慘過擔泥！似乎一啲都冇講錯，事關近期不少歐美脫星，要出碟唔難，但要拍完一套四仔就非常困難，皆因戲內要上天下海，挑戰體能極限。玩到咁盡為乜，之唔係為咗滿足影迷囉！
撰文：祖
脫星Avy Scott話：「原來瞓喺床上搞嘢係咁舒服，依家諗起都令人回味無窮！」何出此言？原來係因為四仔片商為滿足多元化口味嘅影迷，有理無理推出一大堆戶外四仔，戲內脫星除咗剝衫，更要玩一啲從未試過嘅新玩意。好似Avy Scott咁，最新上演嘅四仔要同姊妹喺荒山野嶺度賽車，阿妹仲話呢種越野車震到飛起，影迷睇得開心，但有苦自己知喎。「天氣又熱又曬，揸住架越野車係凹凸不平嘅沙地飛馳，泥沙彈到全身都係，好痛苦！」
阿妹覺得賽車只屬小兒科，同男優埋身肉搏時要喺地盤嘅惡劣環境下進行，至係苦不堪言。「我唔明白公司點解要咁虐待啲脫星，或者係觀眾多屬勞動階層，因此喺地盤度性戰，會投入得多！」
搞完一大輪都嫌未夠，脫星更要馬拉松式同男優肉搏，據講係片商有意將官能刺激推至極限。脫星Gisele表示：「簡直係脫星嘅地獄，平均一日內要同超過十位男優大戰，即使身經百戰嘅脫星體力都難以應付。」雖然怨聲載道，之不過拍呢類鐵人式四仔片酬，一般會比傳統四仔高出一倍以上，難怪不乏脫星自願參與。一線脫星Madelyn Marie認為：「由於色情資訊太發達，尤其網站提供免費成人娛樂，令收費網難以經營，變相令脫星不能再獨沽一味。」脫星施展渾身解數取悅影迷當然係好事，但問題係人人都爭住拍動作四仔，咁選擇咪愈嚟愈少？