近年日本嘅風俗店為咗吸引顧客，經常要搞搞新意思，就好似今日介紹嘅「電擊戰隊俱樂部」就係其中一間，所謂「電擊」就係泛指所有電動性玩具，詳情係點，就同大家追擊一下！
其實喺風俗店服務中，好多時都有電擊嘅玩意，都係最受客人歡迎嘅服務之一。由於大有需求，於是有老闆就開咗專門玩電擊服務嘅風俗店，單係喺東京就有近十間，生意據講仲好唔錯添！而今日介紹呢間位於東京嘅「電擊戰隊俱樂部」又有乜嘢特別呢？
據店長講，由於客人對玩電擊嘅技巧各有不同，於是佢哋便以戰隊為名，客人每出動一次，就會得到一個分數，累積到某一個級別嘅分數，就可以試玩更多唔同嘅電擊玩具。舉一個例子，譬如你係一個新客，第一次出動就可以玩到三種唔同嘅電擊玩意，但當你第二次出動嘅時候，就可以同囡囡玩到五款嘅電擊玩意。
餘此類推，玩得次數愈多，就可以玩得更多電擊道具，客人表面上攞晒着數，當然大受歡迎。但有心水清嘅客人就話，其實未必着數晒，由於呢啲服務係計時間嘅，客人掛住玩電擊就會忘記做其他事情，喺60分鐘裏面由於太多道具玩，有時竟會忘記進入戲肉，當囡囡手機響起代表夠鐘時候，客人至醒起連愛都未做，惟有焗住要額外畀錢囡囡加鐘。
風俗店呢種升級制度，確實有噱頭，一來可以吸引客人不斷嚟幫襯，二來客人每次幫襯之餘，仲好似學到好多嘢，充滿自豪感。難怪服務自推出後，人人都爭住加入做戰隊嘅成員啦！
撰文：小德