早幾晚同班老友去東莞一間夜總會玩，甫坐低已急不及待叫媽咪帶女過嚟畀我哋揀。坐咗一陣，媽咪就將囡囡帶到，估唔到其中一個囡囡，指住我叫我個名後，就問我記唔記得佢喎！話晒大軍喺內地夜場，風流快活咗咁多年，而交過手嘅囡囡更係多不勝數，點可能記得佢個名呢？咪直接同佢講話唔記得，囡囡扁住嘴自報姓名之餘，仲同我細說當年。
佢話喺半年前深圳一間夜總會遇到我，當晚仲同我飲到天昏地暗，而我仲同佢講，佢係我難得嘅知己云云。雖然真係對佢冇印象，但見到佢記得我，兼外形都算唔錯，於是就嗌佢坐低。殊不知佢幾杯到肚，就發晒酒癲，追住我同班老友劈酒，冇耐更暈咗喺張梳化度，見到呢幕終於勾起我嘅回憶！原來半年前嘅一夜，我同班老友劈得興起，個個都醉咗七分之際，有老友帶咗個「飯盒」嚟，而飯盒就係面前呢個囡囡！本來對醉娃已經冇性趣，加上諗到佢係老友個前飯盒，就更係乜嘢慾望都冇晒，事關大軍唔係咁鍾意同老友做襟兄弟，即刻埋單走人，情願去髮廊食個快餐算數。
撰文：大軍