撰文：刮王

維護夜場利益

喺夜場行業中，講到安全大家又會點諗？當然係講有無用安全套啦，但係依家好多夜場都會規定小姐們，唔可以做帶有危險性嘅工作，就好似以前有好多夜場小姐玩蛇，就係因為發生過下體畀蛇咬傷，所以好多夜場都唔再玩呢套。

刮王最近去曼谷一間夜場探班，就見到小姐喺台上表演，因為佢本身飲咗兩杯，所以成個人都特別放鬆，無端端坐坐吓就成個人跌落地上，呢種情況經常都會發生。依家夜場就執得好緊，所有危險嘅動作都唔畀喺台上做。點解一定要強調喺台上？因為夜場主要並唔係想保護小姐們，而係保護間場本身，因為之前已經試過有小姐因為咁而告間場，最後間場更要賠一大筆錢，但係如果小姐做任何動作係喺台下的話，就係佢同客人嘅關係。好簡單嚟講，如果係客人要求小姐即場表演跳脫衣舞，咁就係佢兩個人嘅事，同夜場無關，照咁嘅邏輯去睇，如果客人要求小姐做任何動作，最後小姐受傷的話，咁就分分鐘會畀人告。