撰文：小德

只供觀賞

據聞惠州有間桑拿場，為咗加強競爭，諗到用制服誘惑呢招作招徠，但坊間十間有八間都有類似嘅安排，佢哋要突圍而出，吸引客人嘅注意，就要搞搞新意思，於是就決定所有囡囡都以「女王裝」示人，起初囡囡都有啲反感，怕着咗呢套衫，就要提供服務，後嚟老總再三拍心口，話套衫只供客人觀賞，不含實際成分，班囡囡至肯換衫示人，據聞一推出反應十分火熱。

無他嘅，「女王裝」本身就已經好有賣點，能令囡囡性感之餘，仲威風凜凜，身穿皮衫或者連身內衣，配魚網絲襪或者長筒靴，呢個造型已經殺死人，而且囡囡着咗之後，自信心多啲，人都挺啲，胸部都會變大啲，男士們見到自然會流晒口水。

以振聲威

據講為咗加強效果，有部分囡囡仲會手持皮鞭，等客人挑選，入到房之後，囡囡會隨手鞭兩嘢張床或者張枱，搞到啪啪聲響，嚟個先聲奪人。呢個威勢，好多客人事後都話好震撼，但問佢哋會唔會畀囡囡真係打屁股兩嘢，有半數以上都話唔會。

但其實亦發現有少於半數人好想試吓，睇嚟呢個巿場潛力十分巨大，由於反應好，所以老總下一步計劃買啲小手銬、眼罩、頭罩等小玩意再進一步配合主題，但真係綁住嚟打屁股，暫時都未有，老總話現在未到成熟嘅階段，呼籲好此道嘅朋友，惟有忍耐一下，或者暫時望梅止渴，咁都畀佢入到位賣廣告，真係唔到你唔佩服，至於大家有冇興趣試吓，咁就悉隨尊便啦！