性感戰衣

據了解，美國內衣欖球賽早於2004年已經出現，當時只係喺「超級碗」比賽中途嘅一項表演節目。仲記得當時比賽喺洛杉磯舉行，二十六位美女選手分成兩隊進場，以七對七方式進行比賽，由於參加比賽嘅所有索女都係身穿內衣，所以有人就索性將呢項表演賽稱之為「內衣欖球賽」，而負責轉播「超級碗」比賽嘅電視台，亦順道喺呢個時段向全美國轉播咗呢場別開生面嘅欖球賽，更曾創下約四百萬觀眾紀錄。

雖然欖球賽有唔少碰撞拉扯場面，萬一索女畀人扯爛衫，到時肯定尷尬到暈，但係大家唔使擔心，事關索女身上嘅「戰衣」都係特製，貼身之餘又唔會咁易爛，只怪佢哋身材太好，上面露出半邊肉球，下身就擠出半個「月光」，叫男士大飽眼福。

隊名出位

三年後嘅「超級碗」比賽中場休息時間，全美觀眾都可以通過電視欣賞呢個咁特別嘅「內衣欖球賽」，但係到咗2008年，項目就被有關部門取消，原因係有人認為呢種比賽有唔尊重女性嘅感覺。呢個決定令唔少觀眾都感到失望，「內衣欖球聯盟」嘅發起人表示：「從來冇人規定過女人唔可以打欖球，取消賽事反而係唔尊重女性。」直到於2008年10月，美國內衣欖球聯盟正式成立。

據了解，「內衣欖球聯盟」將會有十支球隊參賽，不但索女夠養眼，就連球隊嘅名字都非常吸引，例如「達拉斯慾望隊」（Dallas Desire）、「聖地牙哥誘惑隊」（San Diego Seduction）等，有興趣了解更多嘅朋友，不妨到LFL嘅官網瀏覽！

撰文：娟娟