過埠新娘

近日刮王去過唔少曼谷夜場，都見到有北妹蹤影，其實只要你細心睇吓，就會發現當中有唔少小姐個外形唔多似泰國人，其實佢哋都係來自內地。刮王同幾間場嘅經理傾過，佢哋都話的確係有小姐來自中國，但係嚟夜場做嘅原因，原來都幾特別。有泰國人去內地工作，但係就娶咗個中國女仔，之後將佢帶到泰國之後，大家就因為種種原因而分開，咁呢個女仔自然要出嚟搵食，喺人生路不熟嘅情況下，最好就梗係去夜場工作搵錢，原因就係咁簡單。

搶人飯碗

但至於呢啲女仔點解會嫁畀個泰國人？原因其實都好明顯，佢哋都係想離開自己屋企，希望可以去第二個國家搵食。但係同夜場經理傾開，佢哋話呢啲中國女仔都幾受當地客人歡迎，全因客人們認為中國女仔較為溫柔，有別於泰國女仔，所以佢哋亦有市場，但係咁又怕唔怕會搶咗當地女仔搵食嘅機會呢？答案係會，所以當地女仔都非常唔妥呢一類過江龍。

撰文：刮王