問：我以前從未去過內地玩，最近半年至跟啲朋友去二線風花雪月，發現呢處嘅價錢合理，而且囡囡又多，但想出去行吓，發覺路程都幾遠，想搭巴士但又唔識，搭小巴車又唔敢上，搭的士又貴又少車，唔知仲有乜嘢交通工具可以用嚟代步呢？
答：其實你嘅問題好多北行初哥都會遇到，想出去行吓，發覺一個街口都好遠吓，要行真係行到腳軟，有氣有力都留番夜晚至用好過，有啲人喺咁情況下就會光顧「摩托車」，即係我哋叫嘅電單車，停晒喺路邊等人，其實就喺度等客。
佢哋嘅收費上車就收五蚊，視路程長短而調整，遠少少嘅就收十蚊，而呢五蚊去到邊？其實由佢哋話事，當然唔熟地頭嘅，佢哋一定會呃你，明明五蚊就話收十蚊，但記住如果你唔係地膽，就咪學人講價，否則隨時畀人打一身都唔知發生乜嘢事。點解咁惡呢？因為好多都係外省民工，做咗幾年嘢，就膽粗粗買架摩托嚟做生意，佢哋啲車牌十架有九架都係假嘅，有意外一定冇保險賠，當地不斷取締佢哋，但因為冇咗佢哋真係寸步難行，所以春風吹又生，坐唔坐就你自行決定啦！
撰文：小德
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |