有時覺得啲男人真係好賤，追女嗰陣對你千依百順，當女人如珠如寶，你想做啲乜，佢都例牌應承。不過，當男人追到手兼上埋床之後，佢哋就會一百八十度轉！對你嫌三嫌四，又話你煩，又話你阻住晒咁。
好似公司隔籬位嗰個死人阿明咁，早排喺酒吧識到個樣靚身材正嘅妹妹仔，初時讚到對方天上有地下無，但上過床之後，就嫌對方太爛玩，頂唔順喎！未上床之前又唔見佢咁講，仲晚晚陪個女仔癲到天光，最賤格就係佢後嚟識咗另外一件好鬼純品嘅女仔，佢話初時溝個女仔嗰陣，都有諗過同對方過人世，直到有次上床，點知發現佢唔係處女，當堂狠狠咁提出分手。
呢個賤男更曾經同我講，個心好唔舒服，唔知自己條女畀幾多男人搞過，每次攬攬錫錫硬係覺得好似執人哋口水尾咁，佢仲同我呻，話家吓好難搵到件處女做女朋友喎！我聽見當堂火都嚟埋，忍唔住省咗佢一輪，仲將佢啲臭史公開。我覺得有啲男人真係好自私，永遠只顧自己利益在先，所以各位姊妹識男友時，真係要睇清楚先受溝呀！
撰文：娟娟