樺櫻紅：本人男，三十三歲，一年前開始面對女友已完全提唔起性慾，已近半年沒有性交，本人冇召妓，但女友不斷懷疑我有出外偷食，又摷我銀包、偷睇我月結單甚至電話短訊，但其實我性功能正常，純粹係佢挑唔起我性慾，點算？
無敵兄：算啦！冇得救，趁機會勸你盡快分手，做男人應該試多啲唔同「菜式」，結婚只會自掘墳墓，到時你再「猛」都冇得食，慘！
偷跳男：師兄文中無提及女友索定醜、肥定瘦，但照估計可以令一個正常男人完全提唔起性慾，相信當事人生理上都冇乜「優點」可言，我提議你不妨試吓出去偷跳一次，若然性功能正常即係唔關你事，如果唔得你應該檢討一下。
中醫C：三十出頭就無性慾，好大可能係工作壓力所致，如果性功能正常，不妨同伴侶商討一下，性生活方面搞啲小情趣會有幫助。
不學無術：半年冇性交，咁有冇手淫先？假如有，好大機會喺你睇得四仔太多，我自己都有呢個經驗，但日子耐咗性慾又返嚟，諗得太多反而產生負面效果，放鬆啲啦！