兼職賣肉

因全球金融危機衝擊，日本汽車業受到前所未有嘅重大打擊，早前更有部分大型車廠宣布出現虧蝕，之不過，都唔及一啲售賣中古車（即二手車）嘅小型車行咁慘。現年二十八歲嘅美嘉，於神奈川一間中古車行任職營業員，眼見呢個市場咁靜，感到非常無奈。

美嘉話：「家吓新車款式愈出愈多，不但合乎環保標準，而且慳油好力，最重要係售價合理，好多想換車嘅車主或新牌仔都選擇出番部新車，情願向銀行貸款，慢慢供好過。由於種種因素，導致呢行愈嚟愈難做，部分車行捱唔住而結業，就算仍然生存嘅車行，喺裏面工作嘅行家都要隨時面對裁員或減薪。老實講，我本身都有諗過轉行，但自己冇乜特別技能，霎時間都唔知做乜嘢好。有次遇到一個行家，佢問我想唔想搵多啲，但要有心理準備，隨時需要向客人提供另類服務。」細問之下，美嘉先知道所謂嘅「另類服務」，其實係同客人上床。

任人抽水

美嘉最初心大心細，但想到可以搵多啲，加上自己又唔係處女，於是膽粗粗應承。事隔幾日，美嘉接到行家嘅電話，表示已替佢搵到一個客人，並安排喺翌日見面。

「對方係一個中年男人，佢想買番架私家車代步，於是我帶佢去到車場慢慢揀，睇啱之後就同佢出去試車。其實我早已發現佢不時色迷迷咁望住我，直至去到一處人煙稀少嘅地方，佢突然伸手摸我大髀，當時真係有啲驚，但想到行家教路，若然聽聽話話就必定有着數，所以我惟有硬着頭皮去接受。呢個男人見我冇乜反應，竟然得寸進尺，鹹豬手慢慢移進大髀內側，臨近到達敏感部位之際，我終於忍唔住撥開佢隻手。」

美嘉又話，睇見對方有少少黑面，諗住呢單生意都唔會傾得成，返回車場之後，呢個男人果然話架車唔啱心水，但對佢非常有興趣，仲跟手從銀包中拎出數張一萬日圓紙幣，並塞進美嘉手中。當時美嘉心情確實非常矛盾，但最後仍敵不過金錢誘惑，答應對方去酒店開房。

愈做愈喪

第一次同陌生男人上床，美嘉坦言並冇太大感覺，自此之後，佢仍不時私下跟客人交易，收入增加不少，而且愈做愈放，更反過來主動色誘客人。美嘉話：「為博得客人歡心，衣着就要性感一啲，除咗騷胸露腿之外，陪客人睇車嗰陣，我仲會不時故意走光，再請食波餅，又或者讓佢哋搜索我身體，當男人抵受唔住誘惑，想進一步行動，到時我就可以乘機落嘴頭，氹佢買車。就算做唔成生意，亦都可以游說佢去開房搵番筆。」問到美嘉會否接受跟客人打真軍嘅要求，佢就一臉輕鬆咁話：「如果對方付得起嘅話，唔戴套都冇乜問題，反正我只係想短時間內賺多啲外快而已。」美嘉嘅行為實在欠缺道德，而且有違汽車營業員嘅操守，認真可恥！

撰文：娟娟