女優導師

從外表嚟睇，呢間位於日本六本木嘅成人補習社，同一般嘅補習社冇乜分別，但當你入到去後卻發現，裏面嘅導師個個都樣靚身材正，佢哋嘅個人介紹更係相當有趣，皆因佢哋標榜拍過幾多部AV，喺AV界打滾咗幾多年，並同幾多個男優交過手，床上經驗豐富等等，唔知嘅仲以為入咗風俗店。

原來呢間咁特別嘅補習社，佢哋提供非一般嘅上門補習服務。據社長川島先生解釋，佢哋成立呢間另類補習社嘅原因，係為咗幫助怕醜嘅宅男。川島先生表示：「我發現不少宅男嘅性經驗缺乏，而對性愛更係一知半解，加上宅男比較怕醜，叫佢哋搵風俗娘幫忙，佢哋都唔制。為咗幫佢哋開竅，於是我喺去年成立咗呢間補習社，並搵嚟經驗豐富嘅素人女優做導師。」

宅男救星

宅男只要登入補習社嘅網站，或親身前往補習社，先登記有關個人資料、補習內容及補習堂數，就可以揀選導師。補習堂數分四堂、八堂及十二堂以供選擇，而每堂則為一個鐘。曾經試過呢個服務嘅宅男伊藤先生就話：「記得嗰時我喺網上識咗個女網友，感情相當好，而對方希望有進一步嘅接觸。不過我喺網上吹水就叻，但要真正埋身肉搏，卻一啲經驗都冇，於是我便去呢間補習社搵導師幫手。」

伊藤先生去到補習社後，接待員登記完佢嘅資料後，便介紹最適合佢嘅導師，而伊藤先生則揀咗一個有兩年AV經驗嘅素人女優。

親身示範

導師嚟到伊藤先生屋企後，先同佢講解課程內容，而內容主要分為理論及實踐兩部分。理論係指點樣可以解開女性嘅心結，等佢放鬆心情，另外仲會講解女性嘅生理結構，邊度係佢哋嘅敏感帶，以糾正宅男從AV得嚟嘅錯誤觀念。至於實踐方面，則由導師親自示範，點樣使用情趣用品、床上禮儀及床技。

伊藤先生笑道：「我最滿意嘅就係導師嘅專業態度，面對我呢啲冇床上經驗嘅宅男，佢不但循循善誘，而且喺接戰時，仲慢慢指點我應該點樣做，從前戲部分到衝刺，以至後戲佢都指導得相當詳盡。課程後佢仲同我做床上測驗，話如果我能夠帶畀佢兩個高潮就合格，結果當然順利過關啦！」不過導師收費一啲都唔平，平均每小時要兩萬四千日圓，即差唔多兩千港元，相當乸脷！

撰文：阿豪