去過曼谷劈碰玩嘅朋友都知道，呢一帶都係A Go Go吧嘅集中地，不過呢一帶嘅地方都係以洋人客為主，香港人都唔係咁多會去玩，所以入面發生好多事都唔係咁多人知。
刮王最近同入面一位小姐傾開偈，先至知道原來入面嘅事好奇怪，好多人去呢度玩，都好驚遇到人妖，因為A Go Go吧實在太多，所以好多人喺帶女出街嘅時候就會驗得特別清楚，但係刮王同一位真正小姐傾過，佢喺返工嘅時候就特登扮人妖。
即係點？呢位小姐話當有客人搵佢嘅時候，佢會特登扮鵝公喉講說話，扮晒男人，而佢又特別喺胸圍上加上硬墊，更加喺自己身上貼上人造體毛，仲會食男性賀爾蒙，點解？
呢位小姐本身唔想出嚟做，但就因為要搵錢養家，所以佢先出嚟A Go Go吧做，而佢咁做當然就係為咗避開客人揀中佢，就算有客人搵佢，佢都只係希望陪酒而唔出街，所以佢盡量都做到自己似男人，希望客人唔會搵佢。
刮王問佢，如果佢遇到鍾意搵人妖嘅客人又點算呢？佢話咁就會做番女人，嚇個客人一跳。
刮王