據老友富哥講：「以前見到啲女大學生，為咗學費出嚟做三陪，我哋走人嘅時候，都會醒多幾百畀佢哋做小費，但家陣啲女大學生唔同，大多數係為搵自己嘅生活費。」

而最好嘅兼職，就係做三陪，因為做三陪，你係金魚嘅，就冇人可以逼你做木魚，公司會保障小姐安全，如果係木魚嘅，公司又會保障你嘅收入，幫你吊高嚟賣，所以好多囡囡都會入行，而且雄心壯志，希望一個暑假，可以搵幾萬蚊嚟做生活費。

搵幾萬，點搵呀？富哥同佢哋計：「啲女大學生，如果去一間最高級嘅夜場做小姐，每晚單係坐枱小費，最少三百，最多嘅可以收到八百，你話幾咁好搵，齋坐枱一個月最少執一萬蚊，如果要一親香澤，巿價係六百短聚，九百過夜。」

趨之若鶩

但呢啲女大學生，特別高人一等，個個一千短聚，兩千過夜，富哥話：「喺上面，不知幾多老闆對女大學生趨之若鶩，呢個價係實做嘅價，有啲吊高嚟賣嘅，更係天價。」

富哥話有個老闆為咗一親香澤，據講使咗幾十萬喺個女大學生身上，所以呢批女大學生絕對唔憂做，愈吊高嚟賣就愈搵得多，富哥想當年，幾百蚊就可以同女大學生溫馨一晚，家陣真係冇呢支歌仔唱。

小德