當我睇到興高采烈之際，竟發現另一棵大樹後面有個女仔，佢同我一樣都係睇緊好戲，當我走到佢身邊時，佢一臉驚訝問：「乜你見到我咩？」呢刻我終於可以清楚見到佢個樣，樣靚唔在講，上圍仲非常豐滿，令我即時產生興趣。

南柯一夢

原來呢個女仔叫露茜，我哋傾咗一陣，佢忽然話：「你平時好鍾意着短褲出街㗎？」我即時答︰「早知會見到你，我就着西裝啦！」露茜突然撲上前攬住我：「我忍唔住喇！不如我哋……」靚女嘅心意，我柏加又點會唔明？於是，立即向佢發動攻勢，一邊同露茜激烈擁吻，一邊準備入正題，點知突然聽到一陣鬧鐘聲響，跟住我就醒咗。

兩年之後嘅今日，我返去嗰條村重遊舊地，見到村口有一間士多，正當我買支汽水解渴嘅時候，突然有人從後攬住我好激動咁話︰「你終於嚟搵我喇！」我擰轉身一睇，估唔到眼前人就係夢裏面嘅露茜，難道係上天安排？

娟娟