本文重點
古語有話「娶妻求淑女」，老婆唔一定要靚，但係就一定要持家有道，相夫教子做得妥妥貼貼。大家想睇出一個女性係咪「淑女」，不妨試試以下呢個心理測驗。
情況：當你一個人嘅時候，口渴用杯飲水，你會點樣揸住隻杯呢？
選擇：
1. 只用單手嚟揸住杯身
2. 用晒雙手嚟揸住杯身
3. 一手托底一手揸杯身
答案分析
1. 淑女指數 40%
你係一個做事十分利落嘅女性，遇上事情就會馬上解決，但係你性格過於急躁，經常三分鐘熱度，比較粗心大意，求求其其，好多時做完好似冇做過。
2. 淑女指數 80%
你係一個做事十分細心嘅女性，行動相當有步驟，唔會盲目亂搞一通，可以喺極短時間內完成眼前嘅事情，家務一啲都難你唔到，絕對係個稱職太太。
3. 淑女指數 60%
你係一個做事講究優雅型嘅女性，你嘅解決事情方法，就係可以用錢解決嘅問題，你都會用錢去解決，所以如果你做咗人哋太太，你一定會請女傭。
小德