一位署名「威仔」讀者來信提及：「小弟同女朋友親熱嘅時候，好幾次都冇用到安全套，為免搞出人命，就喺高潮發生嘅時候，採用體外射精嘅方法嚟解決，但事後都有啲擔心，因為聽講體外射精並非百分百安全，於是致函請教呢個方法究竟可唔可行？」
據專家講，體外射精係眾多避孕方法中成功率最低嘅一種，主要原因係男女親熱過程中，隨着性興奮度嘅不斷提升，男性生殖系統內各種腺體分泌開始活躍，讓高潮時精液輸出更暢順。但當呢啲分泌物完全充滿時，就會從尿道口溢出，直接進入女性嘅陰道內，而呢啲分泌物裏面含咗唔少精子，一樣有可能讓女士懷孕。
此外，掌握射精嘅時間，亦唔係每個男性能準確掌握得到。好多人都以為自己可以忍多一陣，點知忍唔忍得住，完全係你控制唔到，於是就係咁樣失手。
最後，專家話咪以為精子在空氣中會死亡，其實精子生命力極強，除非你一射精後就立即清潔，否則如果兩人再度相擁，精液好有可能會無意中流到陰道口，精子就能從濡濕嘅洞口爬進子宮，完成佢的任務，所以大家切勿掉以輕心，要安全性行為，都係戴番個安全套啦！
陽起子