九號仔女嘅性格比較沉默，甚少主動發表自己嘅意見，但並唔代表無心裝載，事關佢哋喜愛用心去觀察別人，有時睇起嚟好似發緊呆咁，其實可能只係喺度思考對方嘅說話。由於佢哋往往會花好多時間去觀察別人，所以其接收能力亦比較強，識得了解人哋嘅觀點，唔會咁易同人發生衝突，係天生嘅和平者。
九號仔女平日畀人一種懶洋洋嘅感覺，事實上，當佢哋投入起嚟會顯得相當活躍，亦非常有幹勁。若然有機會同佢哋開心吓，就需要付出好大耐性，事關佢哋絕對係超級慢熱嘅一群，未能獲得充足嘅熱身運動嘅話，不但表現大打折扣，甚至有可能出現氣力不繼嘅情況。
唔想冇癮收場，同佢哋開心嗰陣，就要盡量投放多啲時間喺前奏上，例如利用口手去搵出對方身上各個敏感點，千祈唔好心急。若然你發現觸及某個地方時，對方反應特別敏感，就要即刻進行重點攻擊。呢個前奏玩法可能需要一段時間摸索，但可以更易將佢撻着，你亦不妨喺過程中主動引導對方參與其中，慢慢提升情緒以後，自然可以更易投入於性事，發揮應有水準喇！
不過，大家亦要注意一點，就係九號仔女好容易受外界影響，若然喺環境嘈雜嘅地方作賽，有可能會令佢哋唔能夠集中精神去享受。有見及此，建議大家先安排一個寧靜又舒適嘅地方，甚至喺大戰之前，利用香薰幫對方按摩一番，紓緩神經之餘，對之後嘅表現亦有極大幫助。
娟娟