前輩教落，一日未到終點都唔好放鬆，仍然要奮勇向前，直到最後先至知道鹿死誰手。如果覺得呢句說話太過抽象，不妨睇吓以下嘅片段，當中嘅文仔以為快到終點而放慢手腳，結果卻因此將冠軍拱手相讓，悲！
阿豪
文仔參加單車賽，佢嘅實力超群，輕鬆地由頭帶到尾。當見到冠軍在望，自己仍然遙遙領先，竟然未到終點便已舉高雙手慶祝。
文仔架單車突然跣胎，高舉雙手嘅文仔嚟唔切反應，重重撻喺地上，未能及時起身。當佢回過神來，發覺後面嘅車手經已殺到！
雖然文仔意圖重整旗鼓，但已經太遲。被人冷手執個熱煎堆，文仔簡直係從天堂跌落谷底。所謂驕兵必敗，依家得到教訓啦！