有位姓黃嘅朋友表示，呢排同女友Happy嗰陣，經常力不從心，曾到內地檢查身體，醫生竟話佢有死精及精子畸形問題，唔知點算好！
其實精子質量嘅高低，除咗可以反映出男人有冇生育能力，仲會直接影響到性能力，因為精子唔妥，往往暗示身體出現唔同程度嘅毛病。一個男人嘅精子，由於製造、產生嘅時間不同，過得太耐會出現衰老、死亡或畸形。而所謂正常嘅精子，必須符合能定向運動、能爬高五厘米或以上等條件，畸形嘅精子不宜超過百分之二十，太多病態或死亡精子，亦顯示前列腺有毛病（蛋白成分不足）、精囊毛病（所存精液酸性過強，戕害精子活力）。一般嚟講，要強化精子嘅活力，最好食用含豐富維他命E嘅食物，包括蜂蜜、動物肝臟、蛋黃等。
除此之外，你亦可改用黃豆、芝麻製品，或葵花子、開心果之類。蔬果之中，茄子、粟米、提子都含豐富維他命E。
中藥之中，則有丹參、杞子、麥芽、紫河車，此類多含「生育酚」嘅中草藥，往往能大增精子活力，但如果你本身係隱疾者（如前列腺病、睾丸炎），就要將病源先根治。
娟娟