雖然日本嘅電腦遊戲出到成行成市，但係為數極之龐大嘅遊戲迷，絕對唔會因此而感到滿足，於是坊間就出現咗好多成人遊戲，嚟滿足各位機迷嘅需求。而呢一類原創電腦遊戲都以美女做主角，目的顯而易見，因為大部分機迷都係男性，更加有不少係電車男嘛！如果唔用嬌滴滴嘅美少女嚟吸引佢哋，唔通用雄糾糾嘅大隻佬咩！
好似喺2007年3月推出嘅十八禁電腦遊戲《Chu × Chu Idol》，至今依然咁受宅男歡迎，當然有一定吸引力啦！《Chu》更推出咗唔少副產品，好似呢次介紹嘅Figure就係其中一樣喇！呢位少女叫希優莉‧皮庫姬，係故事中主角嘅經理人，平時愛以整齊制服示人，表面上好斯文，但其實佢本身係魔族嘅人，相當邪惡，最重要就係佢喺魔界嘅扮相相當性感，甚至可以話近乎赤裸，事關佢身上嘅敏感地帶都只係以極少布去遮掩，頭上戴着一個大南瓜飾物，感覺非常特別，加上一副逼爆身材，無論從任何角度望落去都咁好睇，提醒大家，模型係可脫衣設計，隨盒更附送一個小地台添！
產品名稱：Chu × Chu Idol 希優莉‧皮庫姬 PVC完成品
比 例：1/8
全高約：230mm
原型製作：怪屋
發售日期：2009年1月
售 價：7,200日圓（約620港元）
娟娟