雖然話今年嘅市道唔慌好得去邊，但係對於泰國人嚟講，今個月嘅新年即係潑水節，對於當地任何一個人都好重要，因為佢哋都會過新年。夜場方面又點呢，當然係一個唔可以錯過嘅機會。去過當地玩嘅朋友都知道，喺呢段期間，日間一行出街就肯定畀人潑到濕身，去夜場玩又點呢？
大家一睇附圖都知道，夜場當然唔可以話搵成桶水潑落客人身上，因為咁會搞出大混亂，所以夜場方面就為小姐同客人們準備定大量玩具水槍，大家嘅可以有得玩，亦可以玩得斯文啲。大家知道小姐身上嘅裝備有幾勁嘛？配備兩公升後備水桶，仲有重形機槍，總之客人同小姐就可以玩餐飽。
刮王咁多年嘅潑水節都喺曼谷過，大部分夜場都準備好，有夜場經理話預期今年將會玩得好癲，點解呢？事關由去年中開始，好多人都累積唔少怨氣，講緊嘅並唔係大家因小事講是非同爭女嘅問題，而係因為經濟唔好，錢又搵唔到，所以大家都唔開心，所以佢預期客人都會趁住四月十一至十三日呢段期間，落夜場一於同小姐死過，一於用盡吃奶之力都要射濕小姐，就當係出氣又好，整到佢哋濕身有嘢睇都好，總之就玩個夠本。
刮王